Overblog Suivre ce blog
Editer l'article Administration Créer mon blog

Le p'tit conseil naturel

Widgecolo tout sur le bio

Publié par Omar Mouffok

Tiẓgi n Guraya [deg Bgayet] tesεa azal meγγren s ccbaḥa n ugama-ines (nature), s yimukan-ines n umezruy (ttarix) ed lateṛ aqbur yellan deg-s, d acu kan, tiẓgi-a la tetteddu akk-n ad tenger γef ljal n tmes ed yiguda (décharges) n tursaḍ ay yerwin akk tudert yellan deg-s. Tiẓgi-a d yiwen seg yideggen (sites) iwatan akk-n ad d-ttasen γer-s yimerrayen (touristes) yettmerriḥen deg ugama. Afrag aγelnaw (parc national) n Guraya tḥudd-it tanaḍt (décret) tis 84-327 n 3 Nwembeṛ 1984, d acu kan, ass-a, afrag-a yettwaḥṛes seg yal tama.

Times yesserγayen tiẓegwa la sswaγayent tuccit ttetten yemγan ed yiγersiwen (animaux) n teẓgi-a, dγa d ay-a ara ten-yessiwḍen γer wengar. Ass-a, γas llan aṭas n leṣ̣naf n iγersiwen ed yemγan ay itteddren deg wefrag-a, wigi akk zemren ad negren ula ma ttwagan aṭas n lecγal akk-n ad ḥudden afrag-nsen deg yiseggasen-a ineggura.

Γef leḥsab n yemḍebber n tnebḍut (circonscription), Mass Mahmoudi, afrag aγelnaw (parc national) n Guraya tettili-d deg-s yal aseggas tuẓẓut n ttjuṛ. S way-a, yal aseggas tteẓẓun deg-s xemsin n yiqeṭṭaren, gar-asen 15 n yiqeṭṭaren n tneqlin ed 35 n yiqeṭṭaren n tzemrin, yerna d wi ay d sin n leṣ̣naf n ttjuṛ yeggten deg wakal ay d-yezzin i wefrag-a.

parc-de-Gouraya.jpg
Maca, tura imi ara tnegger teẓgi (ladγa γef ljal n tmes), la nesseqsay iman-nneγ ma yella tuẓẓut-a n ttjuṛ ad kafint akk-n ad d-rrent tudert akk-n tella deg wefrag. Yuγ lḥal, axeṣ̣ṣ̣ar ay izemren ad yessenger afrag-a meγγer aṭas. Deg yiwen n uṛabul (rapport) ur nemmid ara, ay d-yettwagan γef wefrag n Guraya, nezmer ad nγer belli yiwen seg wuguren imeqranen ay yesεa wefrag-a netta d angar n yemγan-ines ed ttjuṛ ay t-yedlen. Ssebba n wengar-a netta d times ed yemγan-nni n wefrag s timmad-nsen imi ay fessus ad tendeḥ deg-sen tmes
Nnig way-a, lḥal yeḥman yetturar daγen dduṛ deg wendaḥ n tmes, ladγa asmi ara yeḥmu unebdu yerna ad yili lḥal yekkaw.

Tamhelt n wefrag (direction du parc) tenna-d belli 15 n yimukan ay deg tendeḥ tmes deg useggas n 2006, u rγan 387 n yiqeṭṭaren, meḥsub 18,64 % seg tjumma (superficie) n wefrag. Ma deg 2005, 18 n yimukan ay deg tendeḥ tmes u ser rγan 6 n yiqeṭṭaren. Times ineddḥen deg wefrag-a tezmer ad tḍurr ula d imezdaγen ay d-iqerben γer-s, ladγa imi afrag-a yezga-d qrib γer temdint n Bgayet, yerna ssebbat n wendaḥ n tmes ggtent, u gar-asent nezmer ad d-nebder imerrayen (touristes) yettmerriḥen deg wefrag maca ur t-ttḥadaren ara, wid yessaγayen times akk-n ad ssewwen u ad ccen deg wefrag, imezdaγen yesserγayen afrasen ed tursaḍ-nsen sdat yexxamen-nsen war (bla) aḥader ed yiceqfan n jjaj ay d-yekkan seg ugudu azayez (décharge publique) n Bulimaṭ.

Ass-a, imḍebbren n wefrag (parc) la d-ggaren tiγri u la d-qqaren belli afrag-a ur yezmir ara ad yemneε alama yesεa ttawil ay as-yessefken akk-n ad yennaγ mgal tmes. Γef way-a, afrag-a yeḥwaj tinutfiyin (citernes), tisuffa (pompes), am wakk-n yessefk ad ldin deg-s yiberdan gar ttjuṛ yal anebdu, u ad εawden ad ẓẓun ttjuṛ deg yimukan anda ay terγa teẓgi. Nnig way-a, yessefk daγen γef yiqeddacen n wefrag ad ttεeyyinen u ad mlen i medden d acu yessefken ad t-gen d wacu ur nessefk ara. Aṭas n lecγal ay yeggunin imḍebbren n wefrag-a, yerna s kra n way-n ara ttgen, ur ssawḍen ara ad d-ssukksen tiẓgi n Guraya seg gar yifassen n wid ara tt-yessexṣ̣aren.

Seg La Dépêche de Kabylie, 21 Tubeṛ, 2007, uṭṭun 1643
Sγur F.L.

Tasuqilt sγur Omar Mouffok

Tansa n wefrag n Guraya :
www.png-dz.net
 

Commenter cet article

Nicolas 08/04/2010 00:56



 


Salut,


Votre blog est plutôt sympa je vous rend visite afin de vous montrer une de mes réalisation qui concerne une affiche de voyage à destination de Cuba


http://www.nicolaslizier.com/article-creation-nicolas---affiche-cuba-40290650.html


Qu'est-ce que vous en pensez ?


Dans le même domaine j'ai également une créa de la République Dominicaine !


Bonne continuation à vous dans vos projets.


Nicolas graphiste